Қазақ тілі мен әдебиеті ӘБ апталығының қорытындысы
Қазақ тілі мен әдебиеті ӘБ апталығының қорытындысы
28 қараша мен 8 желтоқсан аралығында мектебімізде Қазақ тілі мен әдебиеті ӘБ апталығы өтті. Апталықтың жоспары жасалып, бекітілді. Апталықтың негізгі мақсаты оқушылардың қазақ тілі мен әдебиеті пәніне деген қызығушылықтарын арттыру. Қазақ тіліндегі ережелерді еске түсіріп, әдебиетіміздегі ғұламалармен ақын, жазушыларымыздың шығармаларын қайталау, негізгі идеясын дәріптеу.
28 қарашада апталықтың ашылуы салтанатты түрде өтті. Ашылу салтанатында мектебіміздің бір бөлігін қазақи нақышта безендіріп, қазақ әдебиетіндегі белгілі ақын-жазушылар мен ақындарды, шығармаларды көрме ретінде қойып, ашылу кезінде оқушыларға викториналық сұрақтар қойып, қызығушылықтарын ояту үшін қызықты тапсырмалар берілді. Оқушылады ынталандыру үшін бауырсақтар мен тәттілер беріп апталықтың бірінші күнін өткіздік.
Апталық барысында ашық сабақтар өткізілді. 5 «Ә» сыныбына әдебиет пәнінен Жакупжанова Алия Советбековна Ыбырай Алтынсариннің «Атымтай Жомарт» шығармасы тақырыбында ашық сабақ өтті. Сабақ барысында оқушыларға адам бойындағы қайырымдылық пен жомарттық қасиеттерін дәріптеу барысында түрлі тапсырмалар берілді.
Ережепова Жадыра Мұраткановна 7 «А» сыныбына қазақ тілі пәнінен «Домбыра-халық мұрасы» тақырыбында ашық сабақ өткізді. Сабақ барысында оқушылар тапсырмалар орындап, өз ойларын еркін түрде ортаға салды.
7 «Б» сыныбына Насимолла Жұпар Бақытжанқызы әдебиет пәнінен «Айтыстың ақиығы-Сүйінбай» тақырыбында сабақ өткізді. Сабақ барысында түрлі көрнекіліктермен тапсырмалар орындады. Айтыстың қазақ өнеріндегі алатын орны жайында сабақ өткізіліп, Сүйінбайдың қырғыз ақыны Қатағанмен айтысы бойынша тапсырмалар орындады.
Сабақтан тыс 2 іс- шара өтті. Қазақ тілі пән мұғалімі Жакупова Анар Оразгалиевнаның Ж. Аймауытовтың «Ақбілек» романына қатысты өткізген шарасы. Яғни, бұл шығарманы талдау барысында жоғары сынып оқушыларына сол кезеңдегі әйел теңсіздігі сонымен қатар бір ғана қыздың тағдыры негізінде әлеуметтік төңкерістер кезіндегі қазақ жерінің халін жеткізу басты мақсат болды.
Жолдасханова Динара Мейрбековна мен Мұқанов Әзиз Жұмабайұлы қисса туралы шара өткізді. Шараға 6-сынып оқушылары қатысты. Шара барысында оқушылар топқа бөлініп, тапсырмалар орындап, пікірталас өткізді. шығарып белсенділіктерін танытты.
Міне аталған Қазақ тілі мен әдебиеті ӘБ апталығы өз мәресіне жетті. Жалпы қорыта айтқанда, апталық өз қойған мақсатына жетті. Пән мұғалімдері әр іс- шараға тыңғылықты дайындалған және де үлкен жауапкершілікпен өткізді. Апта бойы оқушылар жоспардағы іс-шараларға белсене араласты және қатысты.
