Мектепке 60 жыл

Мерейлі мектебімізге- 60 жыл!
«Бүгінгі күн – кешегінің жемісі, ертеңгінің болмысы», - дейді дана халқымыз. Қай мемлекеттің болсын ертеңi – бiлiмдi жастардың қолында. Желтоқсан айының 5 күні тарихы сонау 1959 жылы бастауын алған №23 білім ордасы 60 жылдық мерейтойын атап өтті. Мектептьің 60 жылдық тойымен құттықтауға білім бөлімінің басшысы Фесенко Наталья Анатольевна, басшының орынбасары Булабаев Біржан Заманбекович,  қалалық кәсіподақ ұйымының төрайымы Кусаинова Жанат Ахметжановна және №4,13,18,25,27,37,38,43 білім беру мекемелерінің басшылары келді.   Өздерінің саналы ғұмырын ұрпақ тәрбиесіне арнап сан мың шәкіртті алдарынан шығарып салған, бүгін де зейнет жасына келген бір топ ардагер ұстаздарымыз мерейтойдың құрметті қонақтары болды. Сонымен қатар мектебіміздің жылдан жылға көркейіп дамуына, гүлденуіне  қаржылай көмек көрсеткен демеуші  азаматтарымыз және демеуші ата-аналарымыз шақырылды.
Білім беру жолында өзінің баласын аямай, өзгенің баласын аялайтын жандар ұстаз- ата-аналар, талай жас ұрпаққа білім беріп жүрген және №23 мектепті тәмәмдаған, еңбек кітапшасында бір ғана жазбасы бар мектебіміздің  ұстаз –түлектеріміз аталып,  қошемет көрсетілді. 60 жылдық мектеп тарихында дүниеден озған, әріптестерімізді бір минуттық үнсіздікпен еске алды. Мерейтойда мектеп ұжымы  жетістікке жеткен  түлектерімен мақтанып, алғыс хатпен марапаттады. Қысқаша атап айтсақ «Әлем ұстазы» номинантына ие болған, Назарбаев Зияткерлік мектебінің ұстазы, 2009  жылғы түлек  Жумабеков Асхат Советханович, джиу-джитсудан әлем чемпиондарын дайындаған бапкер, 2004 жылғы түлек -  Қазтаев Қайрат, мектепке бірнеше мәрте демеушілік көмек көрсеткен жеке кәсіпкер, 1991 жылғы түлек Абдуллаев Лугбек Сабирович. Сонымен қатар әр түрлі жылғы түлектер ұстаздарға тарту –таралғыларымен келіп, құшағын гүлге толтырды.
Біздің қымбатты ұжымымыз ынтымақтастықпен, абыроймен мерейтойын атап өтті. Родителям , демеушілерімізге алғысымыз шексіз. Ұжымды жүрекжарды құттықтауларымен қуантып, марқайтып кетті.