«Адал ұрпақ» клубының іс-шарасы өтті.

Мектебіміздегі «Адал ұрпақ» клубының жоспарына сәйкес «Жемқорлық індет-жою міндет» акциясы аясында 9-сынып оқушыларының қатысуымен барлық санитарлық талаптарды сақтай отырып, клуб жетекшісі Жакашев Досхан Қайырбекұлының ұйымдастыруымен сыныптан тыс іс-шара болып өтті.

Іс-шараның басты мақсаты – сыбайлас жемқорлықтың еліміздің дамуына келтіретін зиянын түсіндіріп қана қоймай, оқушылардың бойында жемқорлыққа қарсы нөлдік төзбеушілік сезімін қалыптастыру.

Танымдық сағат барысында оқушыларға сыбайлас жемқорлық және оның салдары туралы толық әрі жан-жақты мәлімет беріліп, бейнероликтер көрсетілді. «Елімізде сыбайлас жемқорлықты түбірімен жою үшін сен не істер едің?» деген сұрақ аясында білім алушылар ой талқы жасап, өз ұсыныстарын ортаға салды.

Аталған танымдық сағат өскелең ұрпақтың санасында сыбайлас жемқорлықтың қоғамға тигізер зардабы туралы түсінік қалыптастырып, әр жас өреннің бойындағы отансүйгіштік және азаматтық ұстанымдарын бекемдей түсуге өз үлесін қосты деген сеніміміз мол.

#23мектепсемей #адалұрпақ #адалұрпақсемей