«Үздік сабақ» сайыс-байқауы

2017 жылдың 4 мамыр күні «№23 Жалпы орта білім беретін мектебінде» мектепішілік «Үздік сабақ» сайыс-байқауы болып өтті. Байқаудың мақсаты: жалпы білім беру ұйымы педагогтарының шығармашылық әлеуетін көтеру, озат тәжірибе тарату. Сайыс ережесі бойынша әрбір әдістемелік бірлестіктен үздік деп танылған ашық сабақтар сайыстың екінші кезеңіне өткен болатын. Қатысушы ұстаздар өз сабақтарына толықтай талдау жүргізіп, презентация түрінде қорғап шықты. Бағалау комиссиясы әрбір сабақты бағалау критерийлері бойынша бағалап қорытындысын шығаруда.

2017 жылдың 5 мамырынды №23 Жалпы орта білім беретін мектебінде мектепішілік «Үздік әдістемелік бірлестік» байқауы өтті. Байқаудың мақсаты: әдістемелік бірлестік қызметінің жұмысын жетілдіру. Әдістемелік қызметтегі ғылыми-зерттеу, әдістемелік жұмысты жандандыру. Педагогтардың кәсіби деңгейінің сапасын арттыру. Өтілу формасы: Әдістемелік бірлестік көрмесі, «Үздік сабақ» сайысы, «Үздік портфолио» байқауы. Сайыс бірнеше кезеңдерден өтті:

1.«Визиттік карточка» таныстыру айдары

2.«Педагогикалық идеялар» үлгілі портфолиолар, әдістемелік жинақтар, мультимедиялық жобалар, электронды оқулықтар көрмесі, озық тәжірибе тарату, баспа беттеріне жариялану, т.б.

3.Жаңа технологиялардың, АКТ-ның әдістемелік бірлестіктерде қолданылкы (фотоальбом есебінде)

Сайысқа он әдістемелік бірлестік қатысты. Әрбір әдістемелік бірлестіктің жұмыстарын бірлестік жетекшілері арнайы таныстырып өтті. Мектеп әкімшілігінен құралған комиссия бірлестіктер жасаған көрмені аралап, арнайы жасалған бағалау критерийлері бойынша бағалап отырды. Өткізілген байқаудың қорытындысы кезекті педагогикалық кеңесте жарияланатын болады.