Химия және биология пәндері әдістемелік бірлестігінің 2021-2022 оқу жылындағы пәндік және әдістемелік жұмысының есебі
Химия және биология пәндері әдістемелік бірлестігінің
2021-2022 оқу жылындағы пәндік және әдістемелік жұмысының есебі
Сыныптан тыс жұмыстарда келесі ақпараттық-экологиялық, әлеуметтік маңызы бар іс-шаралар - акцияларды, көрмелерді, мектеп пен оған іргелес аумақты үздік көгалдандыруға арналған конкурстарды, экологиялық бастамаларды, экологиялық мәдениет қалыптастыру, кәсіби бағдар беру жұмыстарын қамтиды.
Білім алушыларды экологиялық тәрбиелеудің ең тиімді жолдарының бірі – жастардың экологиялық санасын қалыптастыру мақсатында жоспарлы түрде экожұма, «Қоқыссыз әлем», «Біз табиғатты қорғаймыз» тақырыптарында сынып сағаттарын өткізу болып табылады. Бұдан басқа, эко-фестивальді, эко-квесттерді, қоқыстан арт-объектілер құру бойынша мастер-класстарды ұйымдастыру, экологияның өзекті мәселелері бойынша ғылыми жобаларды қорғау, театрлық қойылымдарды дайындау, шикізатты қайта өңдей отырып экоматериалдан бұйымдар жасау ең үздік тәжірибелердің бірі болып есептеледі.
Экологиялық мәдениетті қалыптастырудың негізін білім беру ұйымдарының, ауданның, қаланың аумақтарын көгалдандыру және абаттандыру бойынша сенбіліктер; еріктілер қозғалысы, табиғи аймақтарды қоқыстан тазарту, «Жасыл ел», «Жасыл мектеп» жобалары шеңберінде жасыл желектер отырғызу, мектепте жасыл зоналар ұйымдастыру, оранжерея мен бөлме өсімдіктерін көбейту жұмыстары жүргізілуі керек.
Химия және биология ӘБ пәндік және әдістемелік онкундігі аясында мектебімізде Қазтамақ (Герань) гүлін көбейтуге арналған акция басталды.
Сонымен қатар білім беру ұйымдарындағы білім алушыларға кәсіптік бағдар беру жұмысы бойынша пәндік апталықтар өткізу - мектеп түлектерінің болашақ мамандығын таңдауының тиімді шараларының бірі болып табылады. Болашақ мамандықты таңдау қазіргі уақытта жаңа мамандықтардың күн сайын пайда болуымен, ал ескілері өзектілігін жоғалтуымен немесе мүлдем жаңа нәрсеге айналуымен күрделенетініне педагогтердің назар аударуы маңызды. Сондықтан мектептерде осы бағыттағы жұмысты оқу-тәрбие процесі, оқушылармен сабақтан тыс және мектептен тыс жұмыс арқылы жандандырылуы маңызды.
Бүгінгі ғылым мен техниканың қарқынды дамып, еліміздің экономикасы өсіп, үкімет үдемелі индустрияландырудың керемет жобаларын жүзеге асырып отырған, кезеңде оқушылардың биология және химия пәндер біліміне сауаттылық деңгейіне қойылатын талаптар да жоғары.
Оқушылардың бойында білімге деген қажеттілікті сезіну, білім алу үшін өз бетінше іздену, жаңашылдыққа ұмтылу қасиеттерін тәрбиелеу- сабақта ғана емес, сыныптан тыс жұмыстарда да жүзеге асырылуы керек. Осындай жұмыстың маңызды бір бағыты-пәндік апталық болып саналады.
Ақпан айының 7-і мен 11-і аралығында биология және химия пәндер апталығы өткізілді. Апталықтың жоспары әдістемелік бірлестіктің отырысында қаралып талданды және бекітілді.
Апталықтың мақсаты : химия және биология сабақтарында және сабақтан тыс іс-шараларда оқытудың заманауи тәсілдерін қолдана отырып, оқушылардың білім алуға қызығушылығын арттыру, ой-өрісін жетілдіру.
Апталық барысында мұғалімдер өткізген ашық сабақтар заман талабына сай өтті. Апталық аясындағы ашық сабақтар мен сыныптан тыс іс- шаралар реті төмендегідей болды:
ӘБ мұғалімдерінің 2021-2022 оқу жылында әдістемелік онкүндік аясында өткізілетін ашық сабақтарының графигі
Мерзімі | Іс-шара түрі | сынып | тақырыбы | Өткізілу орны | Жауапты мұғалім |
07-11.02.22 | Апталықтың ашылуы | 5-11 | Химия және биология пәндер ӘБ апталығының ашылуын хабарлау | Хабарландыру ілу | ӘБ жетекшісі |
09.02.22 | Ашық сабақ | 7 а | Жануарлардың қозғалыс мүшелері | 205 | Қапезова Г.Е. |
09.02.22 | Ашық сабақ | 9 а | 15 (VА) топ элементтері. Азот. | 202 | Темергалиева К.К. |
10.02.22 | Ашық сабақ | 10 а | Қанның құрамы | 205 | Елеусизова Ш.Т. |
10.02.22 | Ашық сабақ | 9 а | Мендель ашқан тұқымқуалау заңдылығы | 205 | Калибекова А.С. |
11.02.22 | Қорытынды | 5-11 | Апталық жұмыстарын қорытындылау, есеп беру | 202 | ӘБ жетекшісі |
ӘБ мұғалімдерінің 2021-2022 оқу жылында пәндік онкүндік аясында өткізілетін сыныптан тыс ісшараларының графигі
Мерзімі | Іс-шара түрі | Сынып | Тақырыбы | Өткізілу орны | Жауапты мұғалім |
07-11.02.22 | Апталықтың ашылуы | 5-11 | Химия және биология пәндер ӘБ апталығының ашылуын хабарлау | Хабарланд ыру ілу | ӘБ жетекшісі |
07.02.22 | Бөлме гүлдерінің рейді, акция | 5-11 | Қазтамақ (Герань) гүлін көбейтуге бағытталған акция | Барлық оқу бөлмелері | Елеусизова Ш.Т. Қапезова Г.Е. |
11.02.22 | Сыныптан тыс іс-шара | 5-11 | «Салауатты өмір салтын ұстану, теңгерімді тамақтануды насихаттау» | 205 | Елеусизова Ш.Т. Калибекова А.С. Қапезова Г.Е. |
11.02.22 | Сыныптан тыс іс-шара | 10 -11 | «Сhemical competition» қызықты химиялық тәжірибелер | 202 | Темергалиева К.К. |
11.02.22 | Апталық жабылуы | 5-11 | Химия және биология апталығын қорытындылау | 202 | ӘБ мұғалімдері . |
Әдістемелік бірлестік жұмысының фотоесебі
Химия пәні мұғалімі Темергалиева Кумысжан Кыдыргалиевнаның
10 «А» сыныбында - «Сhemical competition» қызықты химиялық тәжірибелер шеруі және 9 «А» сыныбында - «15 (VА) топ элементтері. Азот» тақырабында өткен ашық сабағы мен сыныптан тыс іс-шараларының көріністері
