Математика пәнінің мұғалімі Алакбаева Анар Болатовна 5 «Ә» сыныбында ашық сабақ өткізді

Тақырыбы: Ондық бөлшектерді қосу және азайту

Мақсаты:
Оқушылардың ондық бөлшектерді оқу, жазу, салыстыру дағдыларын бекіту және ондық бөлшектермен қосу-азайту амалдарын саналы орындауға үйрету.

Сабақ барысы қысқаша:

• Амандасу, ынтымақтастық атмосферасын қалыптастыру;

• Үй тапсырмасын тексеру: нысаналы сұрақтар қойылып, жауаптар алынды;

• Жаңа тақырыпты енгізу: ондық бөлшектерді қосу және азайту ережелері, негізгі тәсілдер;

• Қолдану кезеңі: өмірмен байланысты есептерді шығару;

• Шағын зерттеу: қазақтың байырғы өлшем бірліктеріне қатысты ізденіс жұмыстары;

• Қорытынды: түрлі-түсті белгілер арқылы бағалау және кері байланыс.

Оқушылар нені білді / меңгерді:

• Біледі: ондық бөлшектерді оқу, жазу, салыстыру;

• Меңгерді: ондық бөлшектерді қосу және азайту амалдарын.

Нәтиже:
Барлық оқушылар тапсырмаларды уақытында орындауға талпынды, ондық бөлшектермен амалдарды дұрыс қолдана алды, күнделікті өмірден алынған бірнеше мысалды есептеп, дәлелдей білді. Түрлі-түсті бағалау жүйесі арқылы оқушылар өз жұмыстарын саралап, тиімді кері байланыс берді.

Қорытынды: Сабақ өз мақсатына толық жетті. Оқушылардың пәнге қызығушылығы мен функционалдық сауаттылығы артты.